● Եթե դեռ չունեք նույնականացման քարտ, կարող եք այն ստանալ ՀՀ ՆԳՆ միգրացիայի և քաղաքացիության ծառայության տարածքային գրասենյակներում:

Այս գործընթացը կարող եք անցնել՝ ընտրելով հետևյալ 2 տարբերակներից որևէ մեկը. ա) Բջջային հեռախոսի միջոցով (mID): ● Նույնականացման քարտով այցելեք Ձեր կամ նախընտրելի այլ բջջային կապի օպերատորի ցանկացած սպասարկման կենտրոն, SIM քարտը փոխարինելու և mID ծառայությունը ակտիվացնելու համար: ● Ակտիվացրեք էլեկտրոնային ստորագրությունը՝ օպերատորի աջակցությամբ կամ ինքնուրույն՝ վճարային տերմինալների միջոցով կամ այցելելով ekeng.am կայք: բ) Էլեկտրոնային կրիչ պարունակող նույնականացման քարտով (eID): ● Այս տարբերակով ակտիվացումը հնարավոր է միայն էլեկտրոնային կրիչ (չիպ) պարունակող նույնականացման քարտերով (ID Card)՝ տրամադրված մինչև 2023 թվականի փետրվարի 15-ը՝ PIN և PUK ծածկագրերով (ծածկագրերի առկայությունը պարտադիր է): ● Ակտիվացման համար անհրաժեշտ է քարտ կարդացող սարք (կարող եք ձեռք բերել «ԷԿԵՆԳ» ՓԲԸ-ից ekeng.am): ● Ակտիվացրեք քարտը և ստացեք էլեկտրոնային ստորագրություն՝ այցելելով ekeng.am:

ՀՎՀՀ կարելի է ստանալ Ֆիզիկական անձանց էլեկտրոնային ծառայությունների միասնական համակարգում :

● Բանկային քաղվածքները կարող եք արտածել օնլայն բանկինգից կամ ստանալ բանկ այցելելով։ ● Վերլուծեք 2024 թվականի եկամուտները՝ բացառելով մինչև 300,000 դրամ չհարկվող եկամուտները, ապա լրացրեք հայտարարագիրը։ ● Հարկային գործակալի միջոցով ստացված եկամուտները համակարգում լրացվում են ինքնաշխատ ձևով։

Հայտարարագիրը կարող եք ներկայացնել self-portal.taxservice.am կայքի միջոցով։ Համակարգը հասանելի է ինչպես վեբ տարբերակով, այնպես էլ բջջային հավելվածի միջոցով: Այն կարելի է ներբեռնել App Store-ից և Google Play Store-ից՝ որոնման դաշտում գրելով Self Portal:

Հայտարարագիրը լրացնելիս Դուք կարող եք ստանալ սոցիալական ծախսերի փոխհատուցում մինչև 100,000 դրամ, եթե 2024 թվականին իրականացրել եք հետևյալ ծախսերը՝ ●Առողջության ապահովագրական փաթեթ (մինչև 50,000 դրամ փոխհատուցում): ●Ուսման վճարներ (մինչև 100,000 դրամ փոխհատուցում): Փոխհատուցում ստանալու համար անհրաժեշտ է՝ ●Ծառայություն մատուցողից պահանջել հաշվարկային փաստաթուղթ (invoice)՝ ներկայացնելով անձը հաստատող փաստաթուղթ և հանրային ծառայության համարանիշ (ՀԾՀ): Մանրամասներին կարող եք ծանոթանալ այստեղ: